یار بە ماچی لێوی خۆی زامی دڵان ساڕێژ ئەکا
لە کتێبی:
دیوانی ئەحمەد موختار جاف
بەرهەمی:
ئەحمەد موختار جاف (1896-1935)
1 خولەک
6572 بینین
یار بە ماچی لێوی خۆی زامی دڵان ساڕێژ ئەکا
توند تەماشاکردنێکی شەخسی عاقڵ گێژ ئەکا
ئەی خودا تا کەی لە دەرهەق من وەفا و مەیلی نییە
بۆچ گڵۆڵەی بەختی من هەر ڕوو لە جێگەی لێژ ئەکا
ماڵەکەم وێران ئەکا، ڕۆژم ڕەش و تاریک ئەبێ
یار بە سورمەی ناز کە وەختێ چاوی خۆی کلڕێژ ئەکا
وشکەسۆفی هاتبوو ئەیوت بەهەشت هەر بۆ منە
ڕیشی خۆی جووڵان وەکوو سابرێن کە شەو کاوێژ ئەکا
کەی خوا توججارە، خوا گەورە و غەفوور و عادڵە
چۆن لەگەڵ عەبدا حیسابی قەرزی ڕۆژوو و نوێژ ئەکا
قافییە هەر چەندە تیکرارە بەڵام ئەحمەدناسناوی ئەدەبی بەدڵ
هەر بەیادی تاقی ئەبرۆی تۆیە جارجار نوێژ ئەکا