هەوارە
لە کتێبی:
خەوە بەردینە
بەرهەمی:
سوارە ئیلخانیزادە (1937-1976)
1 خولەک
2023 بینین
شەوێکی سەختی زستان، دوور بووم لە کۆڕی دۆستان
لە مەستی مەی پەرستان، لە دەنگی دیدە مەستان
هەوارە، هەی هەوارە، ساز بن بچینە هەواری
سەفەرێکم کەوتۆتە بەر، چیت بۆ بێنم بۆ دیاری؟
تا تۆ هاتی بەهار هات، بۆنی گوڵ و گوڵزار هات
کە یاری چاو خومار هات، دەرمانی دەردەدار هات
هەوارە، هەی هەوارە، کاتی گوڵ و گوڵزارە
لە داوێنی کۆهساران، سەت خێوەت و دەوارە
بانگم کە بانگی شێوان، بزەت بێنە سەر لێوان
زوڵفت بە شنەی بای شێوان، خەم با بردی لە لێوان
هەوارە هەی هەوارە، ئەرێ ساز بن بچینە هەواری
گوڵان بچنین لە بناران، بیدەین بە یەک بە دیاری