حاجی دەروێش هەبوو هەر شتێ خوا داینابوو...
لە کتێبی:
ڕشتەی مرواری (بەرگی ٦)
بەرهەمی:
عەلائەدین سەجادی (1907-1984)
1 خولەک
697 بینین
حاجی دەروێش هەبوو، هەر شتێ خوا داینابوو ئەو نەیبوو. خانووە شڕێکی هەبوو، ستاری تێدا گرتبوو. شەوێک بۆ پەن، دزێک ڕێی لێ هەڵە ئەبێ و ئەچێتە ماڵەکەی. هەر چەندێ ئەگەڕێ هیچی دەست ناکەوێ. حاجی دەروێش لێی بەئاگا دێت پێی ئەڵێ: «ماڵوێران! من بە ڕۆژی ڕووناک هیچم لێ دەست ناکەوێ؛ تۆ بە شەوی تاریک مەگەر گووی تیا کۆ بکەیتەوە».