وەستا گورونی بەرگدروو هەبوو لە سولەیمانی ...

وەستا گورونی بەرگدروو هەبوو لە سولەیمانی، دووکانەکەی لە قەیسەری وەسمان پاشادا بوو، شاگردێکی هەبوو خولەی ناو بوو، هەموو ڕۆژێ خولە ئەچووە سەر کونە بەڕۆچکەی قەیسەرییەکە بانگی ئەکرد: وەستا بچم بۆ سەرچنار؟ ئەویش ئەیوت: بچۆ گیانی وەستای.

لەپاشا پێیان وت: ئەوە بۆچ ئیزنی ئەدەی؟ ئەویش وتی: ئیزنی چی ئەدەم؟! ئەو چاکی لێ کردووە بە لادا، توێشووی لێ بەستۆتە پشتی و داردەستەی گرتووە بە دەستەوە. ئیزنی بدەم و نەدەم هەر ئەچێ، نەوەڵڵا بۆ ئەم پرسە گورگانەیە نە خۆم پیاو خراپ ئەکەم، نە قسەکەشم ئەشکێنم!