وەهاران وەشەن
لە کتێبی:
هەوارگەی دڵان
بەرهەمی:
سەید تاهیر هاشمی (1915-1991)
1 خولەک
542 بینین
وەهاران وەشەن ...
یاران بەیدێوە، وەهاران وەشەن
شەو شەوگەی سەییاد، پای داران وەشەن
گمەتەو نگای شکاران وەشەن
هەم شەماڵ هەم شەو، هەم واران وەشەن
جە وەهاران بەزم مەیخواران وەشەن
سەیر وەرتاو کۆساران وەشەن
چووزەی ڕێواسان نساران وەشەن
زڕەی گاسکەی باڵ باڵداران وەشەن
عیشوە و نەزاکەت نگاران وەشەن
تەمەننای نە دوور دڵداران وەشەن
پەرێ دڵبەران ئەو گاران وەشەن
نە دەوران بەی شاماران وەشەن
پاچرکەی وە تەرس خەمباران وەشەن
شەو خاوگە نەسای مەغاران وەشەن
چەنی ناڵەی نەی ویاران وەشەن
شنەی بای شەماڵ ئێواران وەشەن
قەتارەی قوڵەنگ قەتاران وەشەن
بۆی مشک خوتەن حەیتاران وەشەن
پەرێ قەید پای هەژاران وەشەن
سەیر شکۆفەی ئەشجاران وەشەن
خشپەی مەوج وە ڵگ چناران وەشەن
ئیمساڵ نەو وەهار چون جاران وەشەن
سروور شادی دڵخاران وەشەن
قاڵ گۆلهەڵوەس بێلداران وەشەن
هەوهەو و بەوبەو جووتیاران وەشەن
ڕز دارسەروان جۆباران وەشەن
سەیر سەوزە و گوڵ کەناران وەشەن