weharan weşen
From the Book:
Hewargey Diɫan
By:
Seyyed Taher Hashemi (1915-1991)
1 minutes
691 views
weharan weşen ...
yaran beydêwe, weharan weşen
şew şewgey seyyad, pay daran weşen
gimetew nigay şikaran weşen
hem şemał hem şew, hem waran weşen
ce weharan bezim meyxiwaran weşen
seyr wertaw kosaran weşen
çûzey řêwasan nisaran weşen
ziřey gaskey bał bałdaran weşen
’îşwe û nezaket nigaran weşen
temennay ne dûr diłdaran weşen
perê diłberan ew garan weşen
ne dewran bey şamaran weşen
paçirkey we ters xembaran weşen
şew xawge nesay meẍaran weşen
çenî nałey ney wiyaran weşen
şiney bay şemał êwaran weşen
qetarey qułeng qetaran weşen
boy mişk xuten ḧeytaran weşen
perê qeyd pay hejaran weşen
seyr şikofey eşcaran weşen
xişpey mewc we łig çinaran weşen
îmsał new wehar çun caran weşen
sirûr şadî diłxaran weşen
qał golhełwes bêldaran weşen
hewhew û bewbew cûtyaran weşen
řiz darserwan cobaran weşen
seyr sewze û guł kenaran weşen