çend şadî xêzen
From the Book:
Hewargey Diɫan
By:
Seyyed Taher Hashemi (1915-1991)
2 minutes
635 views
çend şadî xêzen ...
bidye new wehar çend şadî xêzen
ce samş zimsan panegurêzen
we kiławanda esir xem řêzen
ce şiney şemał ce hajey waran
bî weqatî wefir ce serd yaran
feřřaş wehar ferş kafûrî
ałişt kerd we ferş sewz mafûrî
nazkiter ce tûk sersewz awan
sewzey taze řes we berhem yawan
newwehar taze giřûgałşen
çun tifił sawa şiney bałşen
baze nałey ře’d bişo ne goşiş
meynet zimsan bo feramoşiş
ew sa mewînî sara û derudeşt
gułen, çîmenen, çûn řewzey beheşt
ce hařey denûk sext leq leqan
minałan aman yekser we zîçqan
çîře û hey hełay pilîsirg neseqif
perê goşday wêş, dił mekero weqif
pasarî dîsan ciryû cawşen
řeşołe çîře û gilarawşen
deng qaspey kew, ne serdyaran
şadî mebexşo we řoḧ yaran
ce qîqey sersewz, ce qîjey borçîn
cebhey saf gom mebo piř neçîn
ce qiřey kuřkuř, ce kokoy qumrî
mewanan do’ay yaḧey to nemrî
ce gimey kotir pey zikir yahû
ḧequwat ya men leyse alّa huArabic
wenewşey şetaw taze serkêşan
serusten newerwêney derwêşan
nergis hêmay çem wiław nekerden
xaw xeyriş bo, her xawiş berden
yaran, ye wadey fesił weharen
her kes perî dos ne întizaren
’işq û new wehar we hem mesazan
çûn mey û mutirb, pey yek menwazan
’işq û cwanî û fesił weharan
çêş weşter cêden? yaran ẍemxiwaran