نەریمان
لە کتێبی:
دیوانی ئەسیری
بەرهەمی:
ئەسیری (1895-1962)
1 خولەک
526 بینین
نەو نەمامی نیشتمانم ڕۆڵەیی کوردی لوڕی
ئەم زوانی گوفتوگۆیەم ناوی جارانی دەری
من (نەریمان)م کوڕی کوردی دیار و ناسراو
سەر بڵندی و سەروەری هیوامە، ناکەم نۆکەری
خاکی پاکم گوڵشەنە بۆتە نموونەی ڕووی زەوی
بۆ نیشاندانی هەموو گۆی ئاسمانان خۆ فەری
ژیر و چالاک و بزێو و چوستە پیاوانی گەلم
تێگەیشتوو و شۆخ و مەن، پڕ مێشکە کەللەی سەری
ئاوی ڕوونی زیندەگانی و، بایی ژینی نیشتمان
وەک بەهەشتە مێرغوزار و بەست و باغات و بەری
ساوەبووم باوەم لە چاپی مێشکم سێ چشتی دا
خۆشەویستیی نیشتمان و، خزمی کورد و باوەڕی
دەنگی ئەو گوفتەی ئەسیریناسناوی ئەدەبی پێی وتم، چەسپی لە دڵ
گەر سەرت دانێی لە ڕێی گەل ڕۆڵە ئەوجا سەروەری