نوور ئاوا
لە کتێبی:
دیوانی ئەسیری
بەرهەمی:
ئەسیری (1895-1962)
1 خولەک
497 بینین
لەو دەمەی هەر کە لات کردە ئەم لاوە
زیندەوەر هیچ نەما یەک بەسەر پاوە
لە برسکانی ڕەنگی ڕۆژی ڕوخسارت
ناوی دڵ بوو بەشاری نوور ئاوە
لە گەزەنگی هەتاوی تاوی دیدارت
ئاگری جیایی سینە کوژیاوە
دڵ نیشانەی بەهاری ڕووتی گرت
بۆیە نایێ لە چاوی من ئاوە
ژیری، هۆشەنگی هەر وەک ئەفلاتوون
هۆشی لای هێزی شۆخی تۆ ساوە
سەد هەزار مەردی گوردی وەک فەرهاد
بۆ شرینی ڕۆحت بەگەشکە تاساوە
هێزی دڵگیری ڕەنگ و ڕووی چارەت
چییە زانا لەوێ نەزان داماوە
تۆ لە کوێ وو من لە کوێ تۆ چی و من چی
خۆشەویستی ئەسەل هۆگری پیاوە
چییە یەک دەم لە من بەڕۆژ و شەو
گوم نی وو، دڵ لە دووری سووتاوە
خۆشەویستی نەبێ جیهان کپ و ناخۆشە
سوودی دڵدارییە زیندەوەر ماوە
شۆخی شیرینی من، مەڵێ ئەسیریناسناوی ئەدەبی پیرە
پیر بەدیداری مینەویت لاوە