چونکە بەدبەختی
لە کتێبی:
دیوانی ئەسیری
بەرهەمی:
ئەسیری (1895-1962)
1 خولەک
724 بینین
چونکە بەدبەختی بەشت ئەم دیوو ئەودیو کردنە
پیاوی بەدخوو دەربەدەر ڕۆژێکی سەدجا مردنە
بۆ دواڕۆژت نەجووڵای داکو چشتێکت ببێ
مەکتەب و نامەی شەهادە، ڕۆڵە خۆسەرخستنە
تەمەڵی و کەیف و گەڕان و چایخانان و قومار
خۆ پەرێشانکردن و ڕێگەی تورەقی بەستنە
ئەم پەرێشانییەت کە ئیمڕۆ وا کەشەنگی کردووی
زادەی کاتی جوانیتان نەزانی و نووستنە
بەسیەتی بیرێ بکە، ئەوجا لە حاڵت تێ بگە
دەست و بردێتی بجووڵێ، نۆرەی سەرکەوتنە
چاوێ هەڵبێنە ببینە، هەرچی گیاندارێ هەیە
دەست و بردی ڕۆژییە، دنیا سەراسەرکردنە
کردنە ئنجا لە پاشا خواردنە، سەرکەوتنە
کۆشش و کردە و بزووتن ڕێ بەهیوابردنە