جگەر برژاو
لە کتێبی:
دیوانی ئەسیری
بەرهەمی:
ئەسیری (1895-1962)
1 خولەک
803 بینین
دڵ لە دووریت تواوە بوو بەزووخاو
ئاگری جیایی جەرگی سووت وەکو قاو
چۆن نەبرژێ لەشم لەسەر تا پا
گرپەیی ڕووت بەگڕترە لە هەتاو
سەیرەکارم لە دووری ڕووت ئەسووتێم
لەش بەدیدار وەکو جگەر برژاو
خۆری دیداری ڕووت، کە بنوێنی
تێک ئەچێ کاروباری زیندە وو ماو
بێنە مەی هیچ مەڵێ شێخە نانۆشێ
بۆ مەلاش بادەنۆشی بۆتە باو
کێبێ تووشتبوو، تووشی دڵداریت
کە نەبوو بێ بەگەشکە پیر و لاو
جۆری گوڵزاری ڕووت کە ئەینوێنی
بوونی بەرجا، نەچۆتە بیری زاو
ئەو برسکان و، ئەو بڵێسەی ڕووت
ئەوە هیوا نە لێو و کوڵم و چاو
هەرچیی گرت ئەو بڵێسە، بوو بەنەچیر
ئەوە چەکتە، بەوی ئەکەی کەسێ ڕاو
دڵبەریی خۆشەویستە دڵ بەدیلیبێ
بەبێ ناوبانگ و ناونیشان و ناو
هۆ ئەسیریناسناوی ئەدەبی چییە، لە کێ ئەدوێی
دیارە بەختت ڕەشە و ئەواتت خاو