ئالامی
لە کتێبی:
دیوانی ئەسیری
بەرهەمی:
ئەسیری (1895-1962)
1 خولەک
564 بینین
کەسبی عیلم و مەعریفەت کە، سەرکەوە وەک میسرییان
نەک وەکو میسری بژی، وەک عارەبی ئیسپانییان
ئەندەلوسیش هیچ نەبوو، من وام ئەوێ زۆر سەرکەوی
سەرکەوە وەک دەوری مەئموونی شەهی عەبباسییان
وەک ئەوانیش هەر بڵند بە، تا لە دنیا دەرکەوی
هەر وەکو باپیرە گەورەت، میللەتی ساسانییان
سەرکەوە تاکو لە عالەم دەرکەوی وەک ماهی تاب
هەر وەکو باپیرە کۆنت، دەوڵەتی ئالامییان
ڕۆڵە ئەم دەوری بڵندی وا لە ئەوروپا هەیە
ئەوروپای فێر کردووە، غەرناتە و ئەشبیلییان
عەکسی بەغدا بوو، کە سەنعەت ئەندەلوسیش فێر ببوو
دەوڵەتی بەغداشی فێر کرد، عالمی ساسانییان
دەوڵەتی ئاسوور و بابل عیلم و عیرفانی نەبوو
میللەتی کلدانی فێر کرد دانەری ئالامییان
لاوی من تۆمی بڵندیی نێژتووە باپیری تۆ
هەڵسە سەر پێ، هەڵکە بەیداخی درەفشی کاوییان
باسی حاڵی کۆنە پیاوانت بڵێ بۆ لاوەکان
ئەی ئەسیریناسناوی ئەدەبی زیارەتی گۆڕت دەکەن وەک حاجییان