مزی بێگانە
لە کتێبی:
دیوانی ئەسیری
بەرهەمی:
ئەسیری (1895-1962)
1 خولەک
768 بینین
خوا دەیزانێ ڕۆڵە دەردەداری حاڵ و باڵی تۆم
ئەبەد نایێتە بیرم زەڕەیێ تەدبیری ماڵی خۆم
کز و مات و مەلوول و سەر فرۆ و حەیران و سەرگەردان
لە دەردی تۆیە لاوازم پەرێشانم قەدم بوو کۆم
بەدەس بەدخواهەکانی بێ فەڕی خۆمانەوە سووتام
نیشانگای ئیفتیرا وو غەیبەتم هیچە دژوون و لۆم
لە بیری کاروباری تۆ پەشێو و مات و داماوم
پەرێشانم وەکو تۆ، چۆن پەرێشانی بەنێزەی ڕۆم
نەتیجەی خزمەتی بێگانە وایە ئاخری دیتت
مزی بێگانە وایە خۆت بسووتێنی ئەگەر وەک مۆم
برا ئەو زوڵمە بێ ئەندازەیەی دوژمن کە کردی لێت
ئەگەر سەد یەک ئەوەش کەی لێت قبووڵ ناکا خەڕات و دۆم
خوایە تورکی بەدبینی دڕندە مەحوی بەڕکەی
بکەی جێ شارەکانیان بۆ ئێمە باغات و شۆم و تۆم
مەڵێ کوردە ئەسیریناسناوی ئەدەبی غافڵە لەم ڕۆژە تاڵەی من
خودا دەیزانێ ڕۆڵە، دەردەداری حاڵ و باڵی تۆم