ڕەنجی بێ بەر
لە کتێبی:
دیوانی ئەسیری
بەرهەمی:
ئەسیری (1895-1962)
1 خولەک
1138 بینین
زانیاریی ئاشکار و چشتی پەنهانی خودا
کەی دەبێ میوەی ڕەزی کوردانی بێ کەس دەس بدا
کەس نییە غەمخواری دەردی بێ لە دەردی بێ دەوا
ناژنەوێ دەنگی کەسێ سەد جا بکا بانگو سەدا
زوو نەجاتیدە بەحەقی قودرەتت خاوەن کەرەم
سەربەخۆ بێ کوردی میدیایی لە هاتف بێ نیدا
ئەم گەلە باوەڕکەرە گشتی لە بۆ بوون و یەکیت
بۆ بڵندیی دین ئەکەن ماڵ و کەس و گیانیان فیدا
زانەری ئەمڕۆ لە هەموو میللەتێ دیندار ترن
ڕاستە باوەڕیان بەتۆ، گشتیان ئەکەن ئەمرت ئەدا
زۆر ئەترسم پێک نەیێ ئەم ئارەزووەم زوو بەزوو
ڕەنج بێ بەر بمرم و گیانم لەلاشەم بێ جودا
ئەی ئەسیریناسناوی ئەدەبیی پیری کوردی وەعز و ئیرشادت بکە
پێ نەزانێ میللەتت، ئاگای هەیە هەڵبەت خوا