حەبیبا خۆت ئەزانی بۆ لە عالەم بێموبالاتم
لە کتێبی:
دیوانی سافی هیرانی
بەرهەمی:
سافی هیرانی (1873-1942)
1 خولەک
2288 بینین
حەبیبا خۆت ئەزانی بۆ لە عالەم بێموبالاتم
لە تفڵی سینەڕیش و دڵ بە ئێش و سەر بە سەوداتم
ژیانی من لە عەشقی تۆ مەزانە غیرەتی خۆمە
سەبەب وا بوو بە منداڵی لە دەردی عەشق ڕاهاتم
لە حاڵی نەوجەوانیدا جوانی تۆم موسەللەم بوو
لە مەولا چۆن بەلایێ ڕوو بکەم شەیدایی باڵاتم
دەمێکە بەندی چینی پەرچەم و پێچاوی کاکۆلم
بە دائیم زار و خەستە و دەست بەستەی زوڵفی تاتاتم
سەری خاڵی لە سەوداکەت چلۆن سەودا ئەکەم جانا
سەری بازاڕی ئەغیارم نییە، موحتاجی کاڵاتم
سەراپا گەر هەمووم عەیبە لە جاهی تۆ چ کەم نابێ
ئەگەر ڕەحمێ بکەی چونکی غەریبی ژێری دەرگاتم
گەدازادەی تووە سافیناسناوی ئەدەبی حەقی ئازادییە قوربان
خەڵاتم گەر سیاسەت بێ، بە مەمنوونی ئەوا هاتم