یاری خۆم لێ زیزە بۆیە حەز لە مەرگی نەو دەکەم
لە کتێبی:
دیوانی سافی هیرانی
بەرهەمی:
سافی هیرانی (1873-1942)
1 خولەک
3051 بینین
یاری خۆم لێ زیزە بۆیە حەز لە مەرگی نەو دەکەم
شەو کە بێهۆشم لەتاوی وا مەزانە خەو دەکەم
بۆ شکاری مورغی وەحشی نەک هەڵۆ وو شاهینم
عەشقی چاوی بازی خۆمم بۆیە ڕاوی کەو دەکەم
رۆژ بەیادی ڕووی هەتا هێوارە هەر هاوارمە
شەو بە فیکری زولفی تا سبحەینێ سوحبەت لەو دەکەم
لەو دڵارامە بپرسن وا دڵ ئارامی نەما
جارێکی چارێکی دەردم کا دەخالەت بەو دەکەم
گوێم لە ساز و عوود و نەی، چاوم لە ساقی و بادەیە
خادیمی پیری موغانم بۆیە وا پەیڕەو دەکەم
سەرف و سوودی نەقدی دڵ لەو عالەمە بێمایەیە
تا بەکەی بێفایدە سەرفی گەنجی کەیخوسرەو دەکەم
سافییاناسناوی ئەدەبی کافیمە بۆ دونیا و قیامەت یاری خۆم
چم لە باسی عالەمە؟ هەر زیکری ناوی ئەو دەکەم