دڵ لە بۆ مەحبووبە دیسان گریە و زاری دەکا
لە کتێبی:
دیوانی سافی هیرانی
بەرهەمی:
سافی هیرانی (1873-1942)
1 خولەک
4528 بینین
دڵ لە بۆ مەحبووبە دیسان گریە و زاری دەکا
وا لە هەردوو چاوەکانی خوێن و ئاو جاری دەکا
وا سەراسەر ڕووی زەمینی گرتووە خوێناوی ئەشک
دوودی ئاهیش ڕۆژی پۆشی و ئاسمان تاری دەکا
زۆر بە ئازارە دڵی زارم لەبەر هیجرانی یار
ناحەقە ئەو عالەمە لەو زارە بێزاری دەکا
مەرحەبایێکم بکا بۆ دڵفریبی منیەتی
وەرنێ ئەم بێڕەحمە کەی بۆ عاشقان یاری دەکا
ڕێی موسوڵمانی لە دڵ نیشت پەرچەم و ئەگریجەکەی
بۆیێ ئێستێش وا بە یادی زولفی زینناری دەکا
چاوەنۆڕی یارە بۆیێ ڕیگە دەڕشێنی بە خوێن
عەیبی لێ مەگرە کە ئەو بێچارە خوێنباری دەکا
قەت مەڵێن یار بێوەفایە وا بە ناحەق دەیکوژێ
بیکوژێ یا نەیکوژێ سافیناسناوی ئەدەبی فیداکاری دەکا