برجا گەرناسان
تل زەعتەر
لە کتێبی:
شەفاق
بەرهەمی:
جگەرخوێن (1903-1984)
3 خولەک
995 بینین
چێکرۆخێ شێران وارگەها زەعتەرشوێن!
ژێدەرا مێران وارگەها زەعتەر!
ئافەرین ژێرە وارگەها زەعتەر!
بژی سەربلند ئەی گرێ زەعتەر!
دژمن ب ئێریش دهاتە سەر تە
تۆپ و تانگ و چەک کشاندە بەر تە
ل بەر وان دانین، سێنج و چەپەر تە
بژی سەربلند ئەی گرێ زەعتەر!
ل بەر پۆزێ وان، تو بوویی کەلەم
ئێریش تانین تە، عەرەب و عەجەم
تە ئەو دکوشتن دل ب کول و خەم
بژی سەربلند ئەی گرێ زەعتەر!
ل تە بوونە یەک تەڤ کەڤنەپەرەست
ئێریش تانین تە، وەک دژمن دخوەست
تە شەرێ وان کر ب سینگ و ب دەست
بژی سەربلند ئەی گرێ زەعتەر!
تە دانە کوشتن پر خۆرتێن کەلەش
کەچێن چاڤبەلەک، زارۆکێن رووگەش
دێ و خووشک و ژن هشتن سەربرەش
بژی سەربلند ئەی گرێ زەعتەر!
تو بوو مەیدانا جەنگا فەلەستین
ژ بۆ سەربەستی تە رژاندی خوین
گەرناس و شەرڤان سەربلند دژین
بژی سەربلند ئەی گرێ زەعتەر!
ئازادیخوازان دەستێن خوە دان هەڤ
گوللەباران بوو، ب رۆژ و ب شەڤ
وە خوە دا کوشتن لێ قەت نەبوو رەڤ
بژی سەربلند ئەی گرێ زەعتەر!
ل سەر تە بوون یەک تەڤ مزگەڤت و دێر
بەرێ تە ل ژۆر، بەرێ وان ل ژێر
ڤا ئەم دنڤیسن ناڤێ تە ب زێر
بژی سەربلند ئەی گرێ زەعتەر!
تە دانە زانین، چنە راست و چەپ
بوونە دوبەندی عەجەم و عەرەب
ل مەیدانا شەر بوون جەلەب-جەلەب
بژی سەربلند ئەی گرێ زەعتەر!
بەندا ئازادی، بەندا ئمپەریال
بەلەنگاز هەمی ئەم بوونە هەڤال
یەک داخواز و دل، یەک-ئۆل و یەک-ئال
بژی سەربلند ئەی گرێ زەعتەر!
ژ بۆ مە دڤێت هنەک هشیاری
کۆ ئەم دەرباسکن ڤان دەمێن تاری
دژمن وێ چاخێ ب مە نکاری
بژی سەربلند ئەی گرێ زەعتەر!
کەڤنەپەرەستێن جهان بوونە یەک
ئالی هەڤ دکن ب مال و ب چەک
هاویر دگەرن ب شەر و ب دەک
بژی سەربلند ئەی گرێ زەعتەر!
دەما کو دشکێ سەرێ کۆلەدار
مات و مەست دبن ل هەردەر نەیار
زڤستان دچی ل پەی تێ بهار
بژی سەربلند ئەی گرێ زەعتەر!
کارکەر دپرسی ل مافێ مرۆڤ ؟!
گەلۆ نابێنی ئەڤ هرچ و ئەڤ هۆڤ ؟!
مە ددن کوشتن ل هەردەر ب تۆڤ
بژی سەربلند ئەی گرێ زەعتەر!
ئەگەر ئەم رابن بەسی خوەنە، بەس!
هەڤسار نەدن دەست مرۆڤێن تەرەس
خوینا مە نەرێژی گوهـ نادی مە کەس
بژی سەربلند ئەی گرێ زەعتەر!
بارێ مە گران، شەرێ مە دژوار
دژمنێ مە خورت، ژیرە کۆلەدار
ئێریش تێنن مە گورێن بریندار
بژی سەربلند ئەی گرێ زەعتەر!
خوەزی هەبوونا مە ژی هەزار مێر
کوردێن قارەمان تەڤ ب چەک و زێر
بهاتا هانا تە تەڤ وەکی شێر
بژی سەربلند ئەی گرێ زەعتەر!
ئازادیخوازن دژمنێ نەیار
دۆستێ هاشتیخواز، دژێ کۆلەدار
نووژەنپەرەستن دژمنێ کەڤنار
بژی سەربلند ئەی گرێ زەعتەر!
بژی کوردستان ئازاد و سەربەست
بمرن، هلوەشن تەڤ کەڤنەپەرەست
نەما دخوازن وەر بژین بندەست
بژی سەربلند ئەی گرێ زەعتەر!
گەرناسێ زەعتەر، هەزار ئافەرین!
گەرناسێ لبنانشوێن، شێرێن فەلەستینشوێن
هەڤالێ وەیە هەردەم جگەرخوینناسناوی ئەدەبی
بژی سەربلند ئەی گرێ زەعتەر!