حەز دەکەین بەرنامەی مەزهەبی بنووسی!
لە کتێبی:
چێشتی مجێور
بەرهەمی:
هەژار (1921-1991)
1 خولەک
705 بینین
هەر ئەو ڕۆژە چووبوو گوتبووی دەبێ هەژار بکەنە کارمەندی ڕەسمی. گوتبوویان عومری زیادە و ناکرێ. گوتیان نابێ کەسێک لە ئیدارەیەک دوو مەعاش وەرگرێ. نووسیم بەرنامەی ڕادیۆ نانووسم. چووبوون بە «قوتبزادە»یان گوتبوو؛ ئیجازەیەکی نووسیبوو کە بۆ هەژار قەیدێ ناکا. تا کوردێکی بنەجوو بە ناوی «میهراسا» - کە بە جوولەکەیی ناوی «بدوحی» بووە - کرا بە مودیری «بروون مەرزی». لێی پرسیم:
- لەو بەو لاوە چیمان بۆ دەنووسی؟
- بۆ چی مەلای جزیری و تاریخی ئەردەڵانتان ناوێ؟
- حەز دەکەین بەرنامەی مەزهەبی بنووسی!
ئیتر چوومە لای سولەیمانی و خۆم لە بەرنامەی مەزهەبی دوور خستەوە و ئیستعفام دا.