من کۆی نەفتینم تۆ ئاهیر وە دەست
لە کتێبی:
دیوانی بێسارانی
بەرهەمی:
بێسارانی (1643-1702)
1 خولەک
421 بینین
من کۆی نەفتینم، تۆ ئاهیر وە دەست
هەر کاتێت زانا گڕ بڵێسەش بەست
گڕ بڵێسەش بەست، هانام کەرد وە شار
دیم کە پەیدا بی هەزار گیاندار
هەر یەک جەلایێ ئاو لێم مەشانا
گڕ هەر چەند ئاما پرشنگ نمانا
ناکا پەیدا بی، قیبلەی وێم جە دوور
مەدا بەسەردا، غوڵام بی وە نوور
سا کە پەیدا بی قیبلەم جە لاوە
دەس دا بە ئاودا سوفتەم کوشناوە
زوڵف کەرد وە مەرهەم، نیا نە زامم
هانا هاناشەن، سوفتەن غوڵامم