min koy neftînim to ahîr we dest
Li pirtûka:
Dîwanî Bêsaranî
Berhema:
Bêsaranî (1643-1702)
1 Xulek
436 Dîtin
min koy neftînim, to ahîr we dest
her katêt zana giř biłêseş best
giř biłêseş best, hanam kerd we şar
dîm ke peyda bî hezar gyandar
her yek celayê aw lêm meşana
giř her çend ama pirşing nimana
naka peyda bî, qîbley wêm ce dûr
meda beserda, ẍułam bî we nûr
sa ke peyda bî qîblem ce lawe
des da be awda suftem kuşnawe
zułf kerd we merhem, nya ne zamim
hana hanaşen, suften ẍułamim