شەوان بێداری
لە کتێبی:
دیوانی بێسارانی
بەرهەمی:
بێسارانی (1643-1702)
1 خولەک
1095 بینین
شەوان بێداری ...
دەردی بێ هام دەرد، شەوان بێداری
سەیل ئەسری هوون دیدەم بەزاری
مەنمانۆ نە ڕووم ڕەنگی وەهاری
هەناسەم چوون باد وەختی سوبحدەم
خێڵی گوڵخونچان ماوەرۆ وەهەم
خەیاڵ گوڵ خونچان ماوەروون نە دڵ
چەمانم دەروون مەپێکان وە چڵ
شکاونۆوە وە دیدەمەدا
مەیان وە موژگان هوون دیدەمەدا
بە ڕوخسار مەدان پێکانان تەبەق
چووپەی مەشانان بە دامان وەرەق
پڕ وەرەق دایم کەیلەن دەروونم
گوڵچینی باخچەی دەردی مەجنوونم