چراغم زویر
لە کتێبی:
دیوانی بێسارانی
بەرهەمی:
بێسارانی (1643-1702)
1 خولەک
556 بینین
چراغم زویر ...
جە دووری باڵات، زامدارم، زویر
هەر یەند بە خەیاڵ ماوەرووت بە ویر
بەتەرتەر نیهان، داخت مەدۆم گیر
مەگنۆ وە یادم گۆنای گوڵ بێزت
دیدەی بێ مەی مەست، موژەی هوون ڕێزت
ڕەفتاری شێوەی ئاما و لواییت
ئاداب و دەستور، ساحێب وەفاییت
یەک یەک لێم بیەن بە زامی خەتەر
نیهانان فرەن، یەک جە یەک بەتەر
مەر ئەوسا داخت بەر کەروون نە دڵ
کۆ بۆ وەسەرم کۆگای سەنگ و گڵ