چراغم دەردم
لە کتێبی:
دیوانی بێسارانی
بەرهەمی:
بێسارانی (1643-1702)
1 خولەک
729 بینین
چراغم دەردم ...
شەوێ جە هیجران دێویا دەردم
خەیاڵ خەم ئاوەرد، پەژارە کەردم
تا سوب سپی بی، شەوگەرد، من گەردم
نەعرە دام، لاڵام تابە شەبەق زەرد
زەڕەی خەو وەبان دیدەم مەیل نەکەرد
هەرکەس گۆشش دان بە ئاهـ و ناڵەم
لاحَولعەرەبی مەوانا پەی شوومی تاڵەم
تا وە سوب هەر کەس وەنەم بی نەزاو
جە شوومیم ئەو کەس هیچ نەکەردش خاو
مەواتش یا ڕەب یەکام دەردینەن
شەوان هەر نە فیکر زایەڵە و شینەن؟
سەد بار واتەن پێم جە زمان لەنگ بای
ساتێ ساکن بە، بە سیا سەنگ بای