çiraẍim derdim
From the Book:
Dîwanî Bêsaranî
By:
Mustafa Besarani (1643-1702)
1 minutes
733 views
çiraẍim derdim ...
şewê ce hîcran dêwya derdim
xeyał xem awerd, pejare kerdim
ta sub sipî bî, şewgerd, min gerdim
ne’re dam, lałam tabe şebeq zerd
zeřey xew weban dîdem meyl nekerd
herkes goşiş dan be ah û nałem
laḧewlArabic mewana pey şûmî tałem
ta we sub her kes wenem bî nezaw
ce şûmîm ew kes hîç nekerdiş xaw
mewatiş ya řeb yekam derdînen
şewan her ne fîkir zayełe û şînen?
sed bar waten pêm ce ziman leng bay
satê sakin be, be sya seng bay