پەل پەل خەزانان مەڕێزان وە خاک
لە کتێبی:
دیوانی بێسارانی
بەرهەمی:
بێسارانی (1643-1702)
1 خولەک
1349 بینین
پەل پەل خەزانان مەڕێزان وە خاک
مەکەران بە نێش پەردەی دڵ چاک چاک
دڵ جە زامی گاز پەردەی جەستەی وێش
قەترە قەترە هوون، جیا مەبۆ لێش
مەیۆ نە دەوران، دیدەی پڕ خومار
مەوارۆ ڕووی زەرد خەزانی خەمبار
هەر خەزان وەڵگێ زار مەڕێزییۆ
دڵ دەرۆش بە دین ئەو مەخێزییۆ
مەر پەرواز مەبۆ مەر سینەم بۆ چاک
نەبا چوون خەزان غەڵتان بۆ نە خاک
جە ئەزرەت ڕێزان بەرگان نە دەروون
ئەو ڕێزیای خاکەن، من غەڵتانی هوون