پەشیۆ جە پەیکان نازک ئەندازان
لە کتێبی:
دیوانی بێسارانی
بەرهەمی:
بێسارانی (1643-1702)
1 خولەک
1112 بینین
پەشیۆ جە پەیکان نازک ئەندازان
چە جای تۆ نەمن، دەروونم ئازان
ئەر سەد بار ئێمە خاڵی خەیاڵیم
جە سۆزی سەودای دەردینناوی تایبەت بە تاڵیم
بەڵێ چوون زامدار کۆنە ساڵانیم
پێکیای پەیکان سۆسەن خاڵانیم
هەر وەختێ ناگا دیدە تەتارێ
نیگا مەکەرۆ لێمان بە قارێ
زامی کۆنە و نۆ، دیسان جە نۆوە
چەنی دەردی مەرگ تازە مبۆوە
[مەولام تۆ مەولای گشتین مەولانی
هومێم هەر بە تۆن مەولای ئەولانی]
سا تۆ چوون بەی تەور، هاڵێ پێت یاوان
زامی نەو کەردەن دەروونت ئاوان
شەرت نیەن جۆیای دارووی زامان بی
خاس ئیدەن جەی زام، زوخین دامان بی
جە وەش نەفەسی، چەنی ئێشی زام
هەر شەو بیاوۆ، ساحێب زام بە کام