پایز نمانا
لە کتێبی:
دیوانی بێسارانی
بەرهەمی:
بێسارانی (1643-1702)
1 خولەک
1202 بینین
پایز نمانا ...
نیشانەش بە باد ستەم نمانا
خەتی غەزەبناک خەزانان وانا
پەل پەل و زار زار نە ڕووی خاک شانا
چەند سەرتاپا سەوز وێنەی سەییدان
چەند بەرگی هوونین وێنەی شەهیدان
چەندێ بە بارگەی بەرگ هوونەوە
مدرابێ چوون کۆی بێستونەوە
سەد هەزار ڕەنگی نەمایەشان بی
دڵدار و بێ دڵ نە سایەشان بی
ناگا باد ئاما چوون حاڵ نەزانان
بڕیش تەنافان چەتری خەزانان
پارە پارەش کەرد وەڵگی جامەدار
ڕێزە ڕێزە بی، گرد ئاما بە وار
ستوونان مەندەن سەرتاپا سیا
وێنەی غوڵامان جە حەبەش زیا
منیچ چوون ئەوان دەروون سفتەنان
بە بادی غەزەب سەد جار کەفتەنان