ئارۆ خەمانم چوون دەماوەند بی
لە کتێبی:
دیوانی بێسارانی
بەرهەمی:
بێسارانی (1643-1702)
1 خولەک
2348 بینین
ئارۆ خەمانم چوون دەماوەند بی
دیدەی قیبلەی وێم بەندی شەوبەند بی
واتم ئەی قیبلەم ئیمان و دینم
من بە دیدەی تۆ دنیا مەوینم
مەر نەئیشەڵا ئێشێ هاتێشدا
پەوکەی شەوبەندت ئاورەردەن پێشدا
واتش بێ ڕامەن، وە شەڕ شەریکەن
هوونینی، دەردین، ڕاویار پەیکەن
ئەر مەرەخەس بۆ چوون هەردەجاران
دەییار نمازۆ جە ڕاو یاران
منیچ جەو بۆنە مەحبووسم کەردەن
هوونی ناحەقم نەیۆ وە گەردەن
سازانام تاقی حەقش بە دەستەن
ڕاویار کۆشەن، ئەنقەسش بەستەن