aro xemanim çûn demawend bî
From the Book:
Dîwanî Bêsaranî
By:
Mustafa Besarani (1643-1702)
1 minutes
2349 views
aro xemanim çûn demawend bî
dîdey qîbley wêm bendî şewbend bî
watim ey qîblem îman û dînim
min be dîdey to dinya mewînim
mer ne’îşeła êşê hatêşda
pewkey şewbendit awrerden pêşda
watiş bê řamen, we şeř şerîken
hûnînî, derdîn, řawyar peyken
er merexes bo çûn herdecaran
deyyar nimazo ce řaw yaran
minîç cew bone meḧbûsim kerden
hûnî naḧeqim neyo we gerden
sazanam taqî ḧeqiş be desten
řawyar koşen, enqesiş besten