قەد گوڵ و ڕوو گوڵ و دەرمانی گوڵە
لە کتێبی:
دیوانی وەفایی
بەرهەمی:
وەفایی (1844-1902)
1 خولەک
930 بینین
قەد گوڵ و ڕوو گوڵ و دەرمانی گوڵە
ڕاستە ئەمڕۆ گوڵە خەرمانی گوڵە
تا بە تای زولفی کە شێواوە بە ڕوو
سونبوڵستانی گوڵستانی گوڵە
ڕۆژ بەدەرناکەوێ تا سوبحی عیزار
هەڵنەیێ شەو کە لە گریانی گوڵە
بۆ دڵی شیفتە بۆ چی بگریم؟
بەستەیی چاو و زەنەخدانی گوڵە
زولفی تورکانە لەسەر عاریزی یار
ئەوە چەتری سەری سوڵتانی گوڵە
ڕوو بە میحرابی برۆ پەرچەمی خاو
کافری تازەموسوڵمانی گوڵە
عەتری خەندەی گوڵی باغانە کە دێ،
یا هەناسەی دەمی خەندانی گوڵە؟
غولغولەی شۆری وەفاییناسناوی ئەدەبی کە دەڵێی
بولبولی گۆشەیی بوستانی گوڵە