...؟
- تۆ بڵێی هیچ کەس بە قەد ئێمە دڵخۆش بێ؟
- نا، هیچ کەس، هیچ کەس بەڵام...
- بەڵام چی؟
- بریا ئەمنیش لەو ڕۆژە ڕەشە دەرهاتبام.
- نا، قەد باسی شتی وا مەکە. با هەر ئاوا بی، کە هەی. من قەد بیر لە چاکبوونەوەی تۆ ناکەمەوە
- بۆ؟
- دەترسێم.
- لەچی؟
-لە زۆر شت. نازانی چەند ساڵ بوو لە کەسێک دەگەڕام کە منی خۆش بۆی.
- پێم وابوو هەر من وام!
- تۆش وەک من بووی؟!
- هەتا ماوەیەک پێش.
- دۆزیتەوە!
- بەڵێ.
- کێیە؟
- تۆ.
- ئاخ ئەگەر شەی "تۆ" لەدەم دەرنەهاتبا، شێت دەبووم.
- من لەتەواوی تەمەنمدا چاوەڕوان بووم، دەترسام یەک کەسیش نەبێ بمدۆزێتەوە.
- سەیرە منیش پێم وابوو ناتوانم هیچ کەس بدۆزمەوە.
- تۆ هیچ کەست نەدۆزیبۆوە؟
- ئاخر...
- ئاخری ناوێ، پێم خۆش نییە لێمی بشاریەوە.
- تەنیا یەک کەس، ئەویش دەیزانی کە من خۆشم دەوێ، وەسەر خۆی نەدەهێنا، تەنانەت نیگاشی لەمن دەدزییەوە.
- بە کوێ گەیشت؟
- ڕۆژێک لە کۆڵان تووشم بوو، بێ ئەوەی چاوم لێ بکا، بەستەیەکی بچووکی وەدەستی دام، خەنی بووم ، کردمەوە، ئاوێنە بوو، ئاخ نازانی چەند ناخۆش بوو.
- بۆ ناخۆش؟
- لە ئاوێنە زیزم، ئاوێنەکەی ئەویشم فڕێدا، پڕ بوو لە بێزاری.
- بۆ؟
- لە ئاوێنەدا جوان نیم، زۆر ناحەزم دەکا، وەک ژنێکی گڕوێم نیشان دەدا، تەمەنم دەباتە سەر، دەمکاتە کچێکی قەیرە، هەر ئاۆێنە لەمن ناەشێتەوە نا.
- پێم سەیرە، دەنا ئەمن هەمیشە بە ئاواتم ئاوێنەیەک ببینم.
- نا... نا ... قەد ئەو ئاوتە مەخوازە.
- بۆ؟
- دەترسێم.
- لەچی؟
- لە زۆر شت.
- باشە لەچی؟
- نەکا چاوت چاک بێتەوە و تۆش ئاوێنەیەکم پێ بدەی!