لەگەڵ عاشق کە سەد جەور و جەفا کەی
لە کتێبی:
دیوانی ویساڵی
بەرهەمی:
ویساڵی (1902-1973)
1 خولەک
599 بینین
لەگەڵ عاشق کە سەد جەور و جەفا کەی
هەمووی لوتفە، ئەگەر یەک مەرحەبا کەی
کە تۆ بۆ زەخمی هەر عالەم تەبیبی
دەبێ دەردی دڵی ئەمنیش دەوا کەی
لە شادیدا ببینی ڕەحمەتی حەق
ئەگەر ڕەحمێ بە ئەحواڵی گەدا کەی
لەنێو زۆڵمانی زوڵفت چی دەدا ڕوو
کە بۆ ئاوی حەیاتم شارەزا کەی
دڵا تا کەی دەکەویە شوێنی دونیا
مەگەر تیفلی لە دووی داکت هەرا کەی؟
گەڵێ شیرینترە عوزری گوناهت
لە سەد تاعەت کە بۆ مەحزی ڕیا کەی
دەمێکە ئینتیزاری وەسڵی یاری
محەممەدناسناوی ئەدەبی دەردی هیجرانت هەتا کەی؟