یاری وەفادار
سکاڵا لە خزمەت یارا
لە کتێبی:
دیوانی مەزڵووم
بەرهەمی:
مەزڵووم (1916-1955)
2 خولەک
673 بینین
یاری وەفادار ...
نازک و نازدار، یاری وەفادار
لە هیجرانی تۆ بووم بە کۆی زوخاڵ
نەمکرد سەیرانی گۆنا و خەت و خاڵ
عەهدە کردوومە هەر وەکوو فەرهاد
لە کۆی عەشقی تۆ خۆ بکەم بەرباد
هەر کاتێ شاد بووم بە دیداری تۆ
بووم بە خاوەنی خەت و خاڵی تۆ
لام مەتڵەب نییە تەعنەی ڕەقیبان
گوێ نادەم بە پەند، واعیزو خویشان
دەوڵەتی وەسڵت بۆ من کافییە
تاجی کەیخوسرەو لام بەهای نییە
گەنج و ئیقباڵم دانەی خاڵی تۆ
چرای دیوانم چاوی کاڵی تۆ
خوردو خۆراکم ماچی کوڵمی تۆ
شیشەی شەرابم سای گەردنی تۆ
مەعبەدخانەکەم خەڵوەتخانەی تۆ
قیبلەگای سوجدەم میحرابی ئەبرۆ
تەوافی کەعبەم وەسڵی دیدارت
حەجەرولئەسوەدناوی تایبەت خاڵی ڕووخسارت
تای عودو تارم دوو زوڵفی خاوت
سەرخۆشی کردم مەیخانەی چاوت
مێزی شەرابم سینەی مەڕمەڕت
مەزەی شەرابم دوو لیمۆی تەڕت
عەرەق و بیرەم ماچی کوڵمی تۆ
ساقی و پیاڵەم چاوی گەشی تۆ
دەم دەم ئەنۆشم شەرابی گۆنات
دوو لیمۆی کاڵت، بۆ مەزە هێنات
مەستی دوو چاوی عاشقکوژی تۆم
جگەر لەتلەتی غەمزەو نازی تۆم
چاوت هەڵبڕە بزانە من کێم
ئەمن مەجنونی دوو چاوی لەیلێم
ئەسیرم بەدەس ڕەقیبانەوە
هەم بە دەس دڵەی ماڵوێرانەوە
دەردم وەهایە لەیلی نازپەروەر!
نزیکە دەرچم لە پێستی بەشەر
ئیتر کۆتایی کەلامم نایە
ڕەنگ زەردی عەشقم شیفام قەت نایە
مەزڵوومناسناوی ئەدەبی وەک مەجنون پیشەی زارییە
خولیای عاشقی بێ قەرارییە