لە وەسفی جوانیت ئەی یاری دڵدار
لە کتێبی:
دیوانی مەزڵووم
بەرهەمی:
مەزڵووم (1916-1955)
1 خولەک
756 بینین
لە وەسفی جوانیت ئەی یاری دڵدار
ئەم دوو سێ فەردە ئەڵێم بە یادگار
ئەبرۆت بە نەقش سونعی ئیلاهی
کێشراوە وەک تاق ئیقباڵی شاهی
چاوت گەلاوێژ پریشکە دێنێ
ڕوومەت ئاوێنە، ئینسان ئەنوێنێ
دەم کانی یاقووت، پڕە لە گەوهەر
زوبان شیرینتر لە شەهدو شەکەر
دوو زوڵفی ڕەشت هەر وەکوو ڕەشمار
ئاڵاوە لە مل نازگی نازدار
گەردی وەک بلوور، مینایی بێگەرد
شیرین و پەسەند وەک ئاڵتونی زەرد
زوڵفت وەک کەمەند، نێچیری بەهرام
بۆتە زنجیری دڵەی نابەکام
مەمانت نارنج، یا لیمۆی کاڵە
یا خود شەمامە یان پرتەقاڵە
گۆنات وەکوو شەمع، منیش پەروانە
بە حوسنت سووتام، جەرگم بریانە
سینەت بە وێنەی بەفری تازەو تەڕ
ساف و بێگەردی وەک بەردی مەڕمەڕ
نافەت عەترڕێز پڕ موشک و عەنبەر
پڕ لە ڕائیحەو بۆنی موعەتتەر
شەرتە مەزڵوومناسناوی ئەدەبی یش لەیلی نازپەروەر!
مەجنونی تۆ بێ تا ڕۆژی مەحشەر