حاجی لەلاتان قەدر و قیمەت پارە بێ
سزای کابرایەکی برسی
لە کتێبی:
دیوانی عارف عورفی
بەرهەمی:
عارف عورفی (1896-1961)
1 خولەک
375 بینین
حاجی - - -دەقی نائاشکرا لەلاتان قەدر و قیمەت پارە بێ
پێش ئەوەی تێر لێی بخۆی یاخوا جگەرتان پارە بێ
تووشی دەردێ بی لە ئەندامت جەراحەت بێتە خوار
دوازدە ئاشگێڕی لێ دەرچێ وەکوو ئاوبارە بێ
مامە حاجی پارە بەرزی کردوە سەرداری ئەوێ
قەد نەبی سەردار نەسیبی تووشی ئەم سەردارە بێ
جەژنی یەکساڵەی بەجێهێنانی بەزمی کاکەیی
تاکوو ماوە خۆی و ئەهلی تووشی ئەم بازاڕە بێ
پاشی فەوتی حەزرەتی حاجی لە قەبر و قیامەتا
زۆر ئەمەلمە هەمنشینی دێوێکی پەتیارە بێ
تێر نەخۆی لەو پارەیە حاجی لە خوا داوا ئەکەم
دەست و پێت بەسراوی کۆت و گەردنت سێدارە بێ
خۆت بە چاوی خۆت ببینی بەم زوانە حاجی گیان
ماڵ و منداڵت نەسیبی شوێنەکەی ئەو خوارە بێ