ئەی ڕەفێقان هیممەتێ بۆ دەردی سینەم مەرهەمێ
لە کتێبی:
دیوانی عارف عورفی
بەرهەمی:
عارف عورفی (1896-1961)
1 خولەک
539 بینین
ئەی ڕەفێقان هیممەتێ بۆ دەردی سینەم مەرهەمێ
تاکوو کەی تەنها لە کونجی حەسرەتا بم هەمدەمێ
ئەی فەڵەک تاکەی بمێنم وێڵی سەحرا و چۆڵ و هەرد
وەک وەلی دێوانە عاشق بم بە ڕوخساری شەمێ
ئاخری بۆ کوێ بڕۆم چی بکەم لە دەستی جەیشی غەم
هەر شەوێکم چەرخی گەردوون بۆم ببارێنێ غەمێ
شاری سینە دائیمەن ئاشووبی غەم دایگرتووە
نەمدی خۆشی لەم خەرابابادە غەیری ماتەمێ
قودرەتێ بۆ دەفعی دێوی غەم لەسەر موڵکی وجوود
بۆ خوا ئەی ئاسەفی موڵکی سولەیمان خاتەمێ
تاکوو کەی وێران بێ موڵکی دڵ بەدەست پووری پەشەنگ
بۆ شکستی پەنجەیی ئەم زاڵمە کوا ڕۆستەمێ
کوا زەمانی تافی جوانیم قودرەتی پەنجەی هونەر
ئاخری بەم پیرییە کەوتوومە داوی پەرچەمێ
توشنە لەب بۆ چی بمێنم ئیلتیجام هێنایە بەر
بابی عەدلت ئەی شفيع المذنبينعەرەبیم زەمزەمێ