سەبەب نامیهرەبانی حەزرەتی جانانەیە ئیمشەو
لە کتێبی:
دیوانی عارف عورفی
بەرهەمی:
عارف عورفی (1896-1961)
1 خولەک
323 بینین
سەبەب نامیهرەبانی حەزرەتی جانانەیە ئیمشەو
کە شاری شۆڕشی سینەم وەکوو وێرانەیە ئیمشەو
لە شوعلەی نووری ڕووی یارە دڵ ئارام ناگرێ ساتێ
بەدەوری شەمعی ڕوویا هەروەکوو پەروانەیە ئیمشەو
بەبێ جورم و جینایەت ئەم دڵی بێچارەیە بۆ چی؟
بە کۆتی دەست و پێ بەسراوی بەندیخانەیە ئیمشەو
بەهاری غونچەیی گوڵزاری ڕووی جانانە باعیس بوو
بەبێ سەبر و قەرار، دڵ ئارەزووی مەیخانەیە ئیمشەو
لە کێوی بێستوونا دێ سەدایی گریەیی فەرهاد
لە شۆری عەشقی شیرینی وەکوو دێوانەیە ئیمشەو
دەمێکە مەزرەعەی بەختم ئەکێشێ دەردی بێ ئاوی
شکور وا دەوری حەڵقەی مەهـ لەسەر خەرمانەیە ئیمشەو
دەماغت زائیلە عورفیناسناوی ئەدەبی ئەبینم جوملە ئەشعارت
لە لاوی لاچووە شێوەی لەسەر پیرانەیە ئیمشەو