جەوانم وا دڵی گرتووم سەبووریت
لە کتێبی:
دیوانی عارف عورفی
بەرهەمی:
عارف عورفی (1896-1961)
1 خولەک
476 بینین
جەوانم وا دڵی گرتووم سەبووریت
هەتا کەی من هەر بناڵم لە دووریت
نەخۆم تەفرە بە لوتفی پەنج و دوو ڕۆژ
ئەزانم ئاخری لێشم ئەبووریت
ئەزانی دەرد و بۆ چی لێم ئەپرسی
کە بۆچ وا زەرد بووە گۆنایی سووریت
هەموو دونیام لە لا بۆشە بەقوربان
ئەگەر ڕۆژێ ببینم ڕوویی حۆریت
بە دەستی جەورەوە گەر ببینێ حاڵم
لەناو غەم مامم و تۆیش دائیم مەسرووریت
ئەزانی کێ منی کردە شیعە مەزهەبی
ساحەی سەر جەبینت، بەردە مۆریت
خوا خوامە جەوانم تاکوو ماوی
لە دونیادا بەخۆشی ڕابوێریت
نیازت ڕەحمە بۆ حاڵی منی زار
لە عەزرەت چاوی تۆ نەمرم لە دووریت
کە وا بوو تاکوو ماوی ناوێ دەر کە
- - - - - - - - - - یتدەقی نائاشکرا
کڵاوێکی بەڕەحمەت بوو لە سەر کە
گوناهم چی بوو با لێشم ببووریت