یا ڕەب ڕووڕەشم من گونابارم
لە کتێبی:
دیوانی شێخ محەممەدی حیلمی
بەرهەمی:
شێخ محەممەدی حیلمی (1909-1985)
1 خولەک
318 بینین
یا ڕەب ڕووڕەشم من گونابارم
لە حزووری تۆ زۆر شەرمەزارم
زاتی پێغەمبەر ئەگاتە فریام
چونکە عەبدی تۆم ئومێدەوارم
کەرەمت زۆرە بۆ ئۆمەتی خۆت
گەورە، فەریادڕەس، بگە هاوارم!
هەر تۆ شافعی لە ڕۆژی مەحشەر
لە ڕەحمەتی تۆ منیش بەشدارم
نائومێد نابم ئافریدەی تۆم
هەر زاتی حەقە ویردی سەر زارم
حیلمیناسناوی ئەدەبی فەقیر و پیر و ئوفتادە
کەوتووم لە ماڵۆ کز و هەژارم