میرم ئەزانی چیم لێ قەوماوە
لە کتێبی:
دیوانی شێخ محەممەدی حیلمی
بەرهەمی:
شێخ محەممەدی حیلمی (1909-1985)
1 خولەک
351 بینین
میرم ئەزانی چیم لێ قەوماوە
ددانم کێشاوە سەرم ئاوساوە
لێرە بوەستێ زۆر پەرێشانم
لەبەر برسیەتی سەرم سووڕ ماوە
چی بکەم بۆ پارەی دانساز و دکتۆر
ئاوساوی دەم و ددانم زۆر ماوە
بوختان و درۆ و دەلەسە ناکەم
هەرچیم نووسیوە ڕاست و تەواوە
دە فلسم نییە بچمە چاخانە
هێندە سووڕامۆ ژێر پێم سواوە
خوا شاهیدە زۆر پەرێشانم
نەکەونە فریام بەندم بڕاوە
سەرەڕای ئەمەش لەبەر برسییەتی
لە ژێر پشتێنما بەردم داناوە
چوار فلسم نییە بیدەم بە نانێ
قووتی ئیلاهیم لە دەم نەناوە
قسەم پێ ناکرێ بە دەما کەوتووم
لاکەی سەرم دێ ئەژنۆ شکاوە
دەسا بڕێژن بەحری کەرەمتان
بە تۆ و حسێن بەگ هەرچیتان داوە
زوو بۆم بنێرن بۆ سلێمانیناوی تایبەت
با ڕزگارم بێ لەم بەند و باوە
ئەزانن من کێم موخلیسی خۆتان
ناوم مەشهوورە «سەعید»م ناوە