دیارەن دیدەم هەم دەرد نۆمەن
لە کتێبی:
دیوانی مەولەوی
بەرهەمی:
مەولەوی (1806-1882)
1 خولەک
679 بینین
دیارەن دیدەم هەم دەرد نۆمەن
ئەمجاریش جە نۆ ئارەزووی تۆمەن
جە گۆشەی مزگیی تەنیایی پڕ دەرد
نیشتەبێم خەیاڵ دەرمانم مەکەرد
ناگا مەیلەکەت عەودش کەردەوە
دیسان نێشی دەرد دا وە دەردەوە
هیجرانت دەردان جە لام جەم کەردەن
هەر جوزوێم پەی وێش خەریکی دەردەن
دەردی کۆنەو نۆ یەکسەر جەم بییەن
سەر تاپام جە دەرد هیچ خاڵی نییەن