دڵبەرەی باڵا بڵندم، مەیلی دڵداران ئەکا
لە کتێبی:
دیوانی ڕاجی
بەرهەمی:
ڕاجی (1912-1969)
1 خولەک
137 بینین
دڵبەرەی باڵا بڵندم، مەیلی دڵداران ئەکا
خونچەدەم، سروەی نەسیمی خۆی لە کوردستان ئەکا
ڕەوت و لەرزانە و نیاز و خەندە و گرژینەوەی
دائیما خاپوور ئەکا، ئیمان و دڵ وێران ئەکا
تا لە خۆی پۆشی هەوایی نازکی ڕوحولحەیات
ڕووی بەدیعی، کەی لە دڕکی سەرک و گوڵباتمان ئەکا؟
هەر لە یەک پێ، سەد هەزاران جان فیدای ناوی ئەکەم
تا بە لوتفی خۆی لە سینەی، سێو و بێ پەخشان ئەکا
دڵ لە زاریدا بە زار هات و، نەهاتی چاوەکەم
چاو لە ڕێتا، خۆی غەریقی شەوچرا و مەرجان ئەکا
گەر دوعای تەخت و مراد و عیززەتی کا، دڵبەرم
من ئەڵێم ئامین و ویش، وەختی دوعام ئامان ئەکا
قەت لە دنیادا عیلاج و چارەیی ڕاجیناسناوی ئەدەبی نییە
بەختی بەد، هەردەم جەفا و مەرگی لەسەر ئیعلان ئەکا!