بۆ جیازی کوڵمە ڕۆح و دڵ لە من داوا ئەکا
لە کتێبی:
دیوانی ڕاجی
بەرهەمی:
ڕاجی (1912-1969)
1 خولەک
128 بینین
بۆ جیازی کوڵمە ڕۆح و دڵ لە من داوا ئەکا
ژین و عەیشی من بە یەک دەم، سەربەسەر یەغما ئەکا
دڵبەرەی خەنجەر وەشێنەی، پڕ شەڕەی، عاشقکوژە
خۆی لەناکاو دەرئەخات و، بێ کەسان ڕیسوا ئەکا
من گوڵی ناز و نەعیمی پێ ئەدەم، بۆ ڕەم ئەکا؟
چونکە یا خۆشم دەوێ، ئەو، بۆیە لێم حاشا ئەکا
نامەوێ باخی بەرینی جەننەت و، موڵکی ئەبەد
گەر سەری یەک موو لەگەڵما، یاری ڕەنگین چا ئەکا
من نەزەرکەم خۆی ئەپۆشێ، من بگریەم خۆش ئەبێ
من بڕۆم ئەو ڕادەوەستێ، من بوەستم، ڕا ئەکا
ئەی بە قوربانی سەر و ڕووی زەمزەمەی جانانە بم
وا بە تاریکی و بە ڕووناکی، دڵان شەیدا ئەکا
بگرە دامێنی بە کوللی، بەر مەدە تۆ ڕاجیاناسناوی ئەدەبی
یا بە جارێ ئەتکوژێ، سا یا بە خۆت هەمتا ئەکا!