من ڕەوتەنیم

من تاریکم وەک شەوەزەنگ
تۆ گیانی تیشکی، ڕووناکی
من ڕووبارم
نائارام و پڕ لە خرۆش
تۆ وەک دەریا
مەنگ و خامۆش و سامناکی!
لە دۆزەخی عیشقی خۆتا بمسووتێنە
من جەننەتی چاوی تۆ بە بەهەشتی خوا ناگۆڕمەوە
ڕۆحی یاخیم دەسەمۆ کە
با چەواشەی هەڵدێر نەبم
تۆ تەوەرەی جەغزی ژینی
من هەر بە دەور عیشقی تۆدا دەخولێمەوە
ئەمە دوایین جارە دەژیم
من خدر نیم
تاوێ، تەنیا تاوێ لە لات دادەنیشم
ماڵت ئاوا، من ڕەوتەنیم.