شیرین سەرکەشەن

لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
 2 خولەک  192 بینین
شیرین سەرکەشەن .. شیرین سەرکەشەن ..
وەحشەن، شابازەن، شۆخەن، سەرکەشەن ..
جەعد میسکینش جە کەتفەین پەخشەن
سەف ئارای سوفووف وەلەدەی وەحشەن
عەقرەب ئەگریجان پەی جەنگ نە غەشەن
موحافیز دەور چیهرەی مەهوەشەن
ئەبرۆ قەوس دۆش شای سیاوەحشەن
موژەی عەینەینش کل تیرودەقی نائاشکرا پەخشەن
نیم نیگاش نە عەین وەڵەدەی وەحشەن
عارفان پەی دین دیارش سەرخۆشەن
گۆنای گوڵگوونی لەعل بەدەخشەن
ئەنفش ئەلفوار موجەدوەل کەشەن
لەعل لەب مەملووی دەوای دڵبەخشەن
ئاو فەم چون شەهد شاران مەزەشەن
زنج تەڵای تێزاب خاڵان وەنەوشەن
میل گەردەنش مینای بێ غەشەن
سینە نەرم و ساف وە خەز مەفرەشەن
فەیرۆزە خاڵان لێش مونەققەشەن
ناف قوتووی ماجووم دەوای دڵبەخشەن
قامەتش نەی تووڵ بەستەی درەفشەن
جیلوەی جەماڵش شوعلەی ئاتەشەن
جە بینین دیدەی جەرگ موشەووەشەن
گوڵ گوڵەن، شیرین، شەودێز ڕەخشەن
خوون خوسرەوەن شەست قەبزەشەن
تەجەللای حوسن، فریشتەی، عەرشەن
ئەلبیسە ئەلوان زەڕلی و ئەقمیشەن
شاهان موشتەریی سەودای زوهرەشەن
فەقێناسناوی ئەدەبی دڵ نە فیکر «يوم الآتشعەرەبی»ەن