şîrîn serkeşen
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
2 minutes
405 views
şîrîn serkeşen .. şîrîn serkeşen ..
weḧşen, şabazen, şoxen, serkeşen ..
ce’d mîskînş ce ketfeyn pexşen
sef aray sufûf weledey weḧşen
’eqreb egrîcan pey ceng ne ẍeşen
muḧafîz dewr çîhrey mehweşen
ebro qews doş şay syaweḧşen
mujey ’eyneyniş kil tîruMissing pexşen
nîm nîgaş ne ’eyn wełedey weḧşen
’arfan pey dîn dyarş serxoşen
gonay gułgûnî le’il bedexşen
enfiş elfiwar mucedwel keşen
le’il leb memlûy deway diłbexşen
aw fem çun şehd şaran mezeşen
zinc tełay têzab xałan wenewşen
mîl gerdenş mînay bê ẍeşen
sîne nerim û saf we xez mefreşen
feyroze xałan lêş muneqqeşen
naf qutûy macûm deway diłbexşen
qametiş ney tûł bestey direfşen
cîlwey cemałş şu’ley ateşen
ce bînîn dîdey cerg muşewweşen
guł gułen, şîrîn, şewdêz řexşen
xûn xusrewen şest qebzeşen
tecellay ḧusin, firîştey, ’erşen
elbîse elwan zeřlî û eqmîşen
şahan muşterîy sewday zuhreşen
feqêPen name dił ne fîkir «yum al’atişArabic»en