سوروورەن ئیمشەو
لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
2 خولەک
213 بینین
سوروورەن ئیمشەو .. سوروورەن ئیمشەو ..
دڵ نە زەمزەمەی سوروورەن ئیمشەو ..
نیشات نە عوشرەت مەغروورەن ئیمشەو
شەوق نە ئەقسای دڵ فەغفوورەن ئیمشەو
کەمتەر غوڵامش قەیسوورەن ئیمشەو
عەشق نە جامەی وەسڵ مەخموورەن ئیشمەو
ڕەقیب نە خانەی زەنبوورەن ئیمشەو
غەم نە «بيت الحزنعەرەبی» مەقهوورەن ئیمشەو
چیهرەی بەدر ئاسای لەیل نوورەن ئیمشەو
قەیس دڵ نە عەیش مەسروورەن ئیمشەو
ئاشووبەی ساقی فوتوورەن ئیمشەو
نەشئەی بادەکەش نوشوورەن ئیمشەو
مووسا ڕۆح موقیم حوزوورەن ئیمشەو
مەشعەل نومای دڵ کۆی توورەن ئیمشەو
زەوق نە زائیقەی مەنسوورەن ئیمشەو
ئەر «انا الحقعەرەبی» کەرد مەعزوورەن ئیمشەو
ڕەوزەنەی زەمیر بلوورەن ئیمشەو
فیکرم ئیستیغراب عوبوورەن ئیمشەو
ئەسباب بەزمم مەعموورەن ئیمشەو
حاسید نە حەسرەت ڕەنجوورەن ئیمشەو
دەماغم سەرمەست سەمتوورەن ئیمشەو
کەدەر نە ئیقلیم دڵ دوورەن ئیمشەو
ڕەقیمەی فەرمان مەمهوورەن ئیمشەو
پەی ئازادەگیم مەئموورەن ئیمشەو
فەقێناسناوی ئەدەبی هۆش نە عەقڵ مەستوورەن ئیمشەو
ئیدراکش نە عەین شوعوورەن ئیمشەو