تمثیل
لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
2 خولەک
455 بینین
وەقت خەلافەت عەلیی مورتەزا
یەک عەبد جە سەیید وێش کەرد ئیشتیکا
هەر ڕۆ نە حوزوور شاهـ ویلایەت
مەزلەمەی جەورش مەکەرد شیکایەت
بە سەبر و سەبات بەو عەبد سیا
حەزرەت ئەمیر وەعدش کەرد عەتا
تا یەک ڕۆ ئەمیر ئیمام هودا
یەک عەبد نە بازار کەردش ئیشتیرا
ئینشا کەرد خوتبەی ئازادیی عەبید
تا زوهر جومعە ئاما بە مەسجید
پەی زوهر جومعە جەم بین ئیزدیحام
شی نە تۆی مینبەر حەزرەت ئیمام
خوتبەش گرد بە دەست حەزرەت عەلی
هەم شێر یەزدان، هەم شاهـ وەلی
فەرماش «اخبروا يا اهل عبادعەرەبی»
هەر کەس عەبد وێش پەی حەق کۆ ئازاد
حەق بە لوتف وێش مەدۆ موکافات
مەکەرۆش ئازاد پەی قیتعەی جەننات
ئەووەڵ عەبد وێش ئازاد کەرد ئیمام
خێزا غەلغەلە جە بەین عەوام
مەوعیزەی ئیمام بەی تەور کەرد ئەسەر
ئازاد بی ئەوڕۆ سەد عەبد بە دەفتەر
جە یومن ئەنفاس ئیمام ئیرشاد
هەم عەبد مەزکوور ئەو ڕۆ بی ئازاد
«دەروێشناسناوی ئەدەبی» بە ئیخلاس یەقین کەر قایم
جە کردەی سەبەق وێت ببەر نادیم
تا قەلبت ئەمین نەبۆ جە خەتیر
سەمع مەوعیزەت نمەبۆ تەئسیر
باقی خاتیمەی سوخەن «الدعاعەرەبی»
بەر موحەممەد بۆ سەلات و سەنا