نصیحت نامه‌ی لقمان که به پسر خودش اطیعمه نام کرده است

لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
 2 خولەک  315 بینین
حەق پەی موحەممەد نەبییی هودا
کەردەن حیکایەت پەند حوکەما
جە ئایەی قەدیم جە سوورەی لوقمان
کیانان پەرێ «صاحب البيانعەرەبی»
بەخشام بە لوقمان هەم عیلم و حیکمەت
بە فرزەند وێش ئێد کەرد نەسیحەت:
شیرک مەکەر پەیدا جە زات قەدیم
چون «ان الشرك لظلم عظيمعەرەبی»
یەعنی هەر کەس شیرک جە حەق دۆ قرار
موئەببەد جەو کوفر مەسۆچۆ جە نار
نمازت هەر ئان و زەمان قایم بۆ
جە دەرد و ئەلەم سەبرت دایم بۆ
هەر جا بیت جەلیس جە بەین بەشەر
ئەمرت مەعرووف بۆ، نەهیت جە مونکەر
ئەگەر تۆ جە بەین ئەرز و ئاسمان
جە تۆی سەنگ خار مەستوور بیت هەر ئان
نەو جا تۆ بەقەد یەک حەببە خەردەل
«خفياعەرەبی» جە خەیر و جە شەڕ کەی عەمەل
نمەبۆ پەنهان جە زات ئەکبەر
مەیۆ بە میزان جە «يوم المحشرعەرەبی»
جە عوبوور ئەرز کیبر و ئیفتیخار
جە بەین عەوام مەکەر ئیختیار
تەکەببور پەیدان جە سستیی عوبوور
فەخر جە توندی نەیۆ بە زوهوور
مەبغووز حەققەن کیبر و ئیفتیخار
میانە بگیر جە حین گوزار
هەم سەوت و سوخەن میانە بگیر
پڕ سەدان مەنفوور چون سەوت حەمیر
دەروێشناسناوی ئەدەبی تەمامەن مەوعیزەی لوقمان
سەلام بەر موحەممەد نەبیی مەننان
پند مؤلف
فەرزەن پەی هەر کەس جە هەر کەم و بێش
نەسیحەت کەرۆ بە فرزەند وێش
بزورگان پێش کەردن بە عادەت
فرزەند وێشان کەردن نەسیحەت
چون نیسف سەواب فرزەند سالیح
پەی والیدەینەن جە هەر مەسالیح
هەرگاهـ وەی تەورەن فەرزەن هەر پدەر
تەعلیم دۆ هەردەم بە گۆش پسەر
فەقێناسناوی ئەدەبی نەسائیح چارەم بی ئەدا
پەی باب پەنجەم بکەر ئیهتیدا